Yoku nopo diti, nosusu oku nopo mimang ko baasa mogulu nopo norongow om nelaan ku, iri no reetan dot boros dang Momogun Kimaragang. Nga, pun pogi masam keno, ogumu i ot boros id Kimaragang ot aku orotiyan banar om aku i elaan kikiawi. Nanasib peti tu amu i landu dot aso telalaan. Addi, iti neti tu kakali i balajar sampai tidino nunu nunu it amu po nelaan. Om nunu nopo it nelalaan ku no mantad, nah, inono ot mangan ku polombuso sitid blog ku diti.
Mogulu po om, pentutun oku dikoo do kondiri ku tu madko ogumu tongo kinoruangan song duduat isai oku ma diti om nokuro ilo blog ku tiiso (Really Living) tu mimising ko boros dang urang putih nopo pakayon ku. Bah, maai ku diko'o patarango bo.
I tadau kinosusuon ku, minaan oku di todu ku puranganai i 'Mimie' tu agayo banar kabarasan it pingas ku dit ragang oku po. oh romimi banar ot pingas ka daalo..hehe. Nah, nunu po notimporon i diri tongo tulun om tongo kinoruangan mongiloow dogon do Mimie sampai tadau biano nga kasasalaan tu nolingan tobo doalo potulis sid surat beranak ku iti ngaran ku diti...hahaha.
Salapas dit agagayo no sabat om kararati oku no diri, natambaan diri ot pongilaan dot baasa ku tu kelo oku diri dot boros dang Bahasa Malaysia. Anong nokotimpuun no sumikul do sikula randa, kongko momoros no kelo nga monulis sid BM nga obubuli diri. Om natambaan nono kembagu ot baasa ku tu nokotimpuun oku diri balajar monulis om momoros id urang putih sabat-sabat. Padka om tiya dit sikula randa okukudik po ot orotiyan ku id baasa kumotolu diti, nah, mimang ko longkobuyon oku po id boros dang urang putih obo tiya diri. Nga sera nokosuang oku dot sikula menengah (Ting 1-3), i nopo tongo buuk pakayon dagai balajar dot BI, Matematik, Sains om Bible nga minaan udaro mantad ad Singapura om tinulis sid boros dang urang putih. Ai bo...tabpom notigagang obo it ginawo ku pupuun po sumikul do sikula menengah tu aso tororotiyan ku nunu it maan pajaro di guru ya. Madko nododoliyan oku tiya diri tu milom po tu balajar dot Matematik om Sains sid baasa do tulun suai. Jadi, mau tidak mau ka di Malayu...napajal oku diri babanar gumusa dit nelalaan di sandad ku wokon sid kalas tu madko opurimanan ku dot sinda oku po yoku seso molowong amu karati dot baasa inggiris. Nokotimpuun oku po dot gumusa doalo amu diri milo pengkoyodon it laang ku. Sino no tinimpuunon ku diri dot lobi ogumu mongitung saralom dot urang putih mantad baasa Kimaragang om BM.
Mogulu po om, pentutun oku dikoo do kondiri ku tu madko ogumu tongo kinoruangan song duduat isai oku ma diti om nokuro ilo blog ku tiiso (Really Living) tu mimising ko boros dang urang putih nopo pakayon ku. Bah, maai ku diko'o patarango bo.
I tadau kinosusuon ku, minaan oku di todu ku puranganai i 'Mimie' tu agayo banar kabarasan it pingas ku dit ragang oku po. oh romimi banar ot pingas ka daalo..hehe. Nah, nunu po notimporon i diri tongo tulun om tongo kinoruangan mongiloow dogon do Mimie sampai tadau biano nga kasasalaan tu nolingan tobo doalo potulis sid surat beranak ku iti ngaran ku diti...hahaha.
Salapas dit agagayo no sabat om kararati oku no diri, natambaan diri ot pongilaan dot baasa ku tu kelo oku diri dot boros dang Bahasa Malaysia. Anong nokotimpuun no sumikul do sikula randa, kongko momoros no kelo nga monulis sid BM nga obubuli diri. Om natambaan nono kembagu ot baasa ku tu nokotimpuun oku diri balajar monulis om momoros id urang putih sabat-sabat. Padka om tiya dit sikula randa okukudik po ot orotiyan ku id baasa kumotolu diti, nah, mimang ko longkobuyon oku po id boros dang urang putih obo tiya diri. Nga sera nokosuang oku dot sikula menengah (Ting 1-3), i nopo tongo buuk pakayon dagai balajar dot BI, Matematik, Sains om Bible nga minaan udaro mantad ad Singapura om tinulis sid boros dang urang putih. Ai bo...tabpom notigagang obo it ginawo ku pupuun po sumikul do sikula menengah tu aso tororotiyan ku nunu it maan pajaro di guru ya. Madko nododoliyan oku tiya diri tu milom po tu balajar dot Matematik om Sains sid baasa do tulun suai. Jadi, mau tidak mau ka di Malayu...napajal oku diri babanar gumusa dit nelalaan di sandad ku wokon sid kalas tu madko opurimanan ku dot sinda oku po yoku seso molowong amu karati dot baasa inggiris. Nokotimpuun oku po dot gumusa doalo amu diri milo pengkoyodon it laang ku. Sino no tinimpuunon ku diri dot lobi ogumu mongitung saralom dot urang putih mantad baasa Kimaragang om BM.
Nawi ot Tingkatan 5 ku, minanambung oku sumikul silod UiTM om pengkhususan nopo nanu ku nga Bahasa Inggeris (TESL). Songo po, nodurunan diri ot sera nopo mongitung om monulis oku nga milom po tu baasa dang urang putih ot mimbulai ad pomusaraan ku. Najangan tobo iti sambil nendorosi okoi dit pensyarah dagai. Ino nopo ino it tadau di keeso okoi nogi sid kuliah, tinaakan okoi no mantad warning dit pensyarah dagai dot subai ko momoros, monulis, mongitung om monginipi nga sid baasa dang urang putih kikiawi. Addi madakat 5 toon oku misikul silo, aku insan monulis dang baasa wokon sumalak ko dang urang putih. Surat sinta ku di muula nga boros dang urang putih nopo kabarasan. Ades...aso i dara tujuan ku dot mokimoyo diti nga kuoyon po dino ong waro no monokod dogon dot oruwoon. Kukuro kukuro poma nga aku i olingan ot nontodon ku om ino no sabap yoku nga engin oku i dot sumokubang pembulai om popotilombus diti baasa bansa daton, Momogun Kimaragang.
Gisom no siti tuturan ku biano...ayanan oku no diri manaip. Pisosopan kembagu tu milom ababasan kou mambasa.
Gisom no siti tuturan ku biano...ayanan oku no diri manaip. Pisosopan kembagu tu milom ababasan kou mambasa.
11 comments:
Pinsan mimie, kiiiiiihi! kiiiiiihi! kiiiiiihi! kiiiiiihi! kiiiiiihi! kiiiiiihi! Impiro oku dilo mamangkis oi? Ba polombuso noh tuturan id boros dang Kimaragang. Minomulasung oku biano siti.
Ba, nakapangkis mogorons biano. Hee... ngam neti mimie. Miu'up u'up tokow momiara diti boros daton banar. ;)
yoku nga mama'al poh dot blog kembagu..dang kimaragang.osolon oku diko'o...aku pensala dika mimie..sampod ikau tu tabom dang urang putih ih ot sinikulon..insan yoku noh..manasal oku tuh amu balajar dot turang putih tiya dit mosikul oku poh..tu it pangandaman ku..aso ih koguna'an boros dalo dino tu yoku siti-siti ih id sabah..mai mai bara nga id pomogunan dot tulun ot kinodoropion om sarikat dang urang putih nogi ot kinarajaon..nah beno om manasal nogi kabarasan..jajara ih boh dogon..tasir tu amu balajar boros urang putih.
mangarayou oku dika tu obulih koh mangatur dat tutok nu..urang putih,malayu,kimaragang nga aso nunu-nunu.. kadung koh yoku diti..aibo..mad ko kumulut at tutok terasa'an ku..urang putih..malayu..kimaragang om suai poh nono boros dot jipun..tabom aku ela'lan mari kih..kadang2 ampatan ku mari mongintulus at tongo koruang ku dot jipun nag mingintulus id kimaragang boh..hahahaha
Pinsan Mogorons,
tabom inggonom ko mamangkis bo..hehe..ong dang sorita kodori mari agayo ot sakti dot pangkis tu gisom dit nelaan ku mantad di tongo tangon komoleengan, ino pangkis nopo dino nga pakayon dot tulun dot ong okonko papawaro dit aso, papatanus dit waro..addi, minong dot nabarakatan nu ino iti blog om niat ku diti tu minamangkis ko siti. Terima kasi ki.
Pinsan Ison,
ako ka ikaw mamangkis...hee. Iti no beti. Gisom dit adadapat, yoku nga noroliyan oku dot semangat diko'o supaya lumintuun sumokubang papanaru dat koposion diti boros dang Kimaragang sitid pomogunan. Arapon nopo dot amu atanus iti boros daton.
Illie,
hahaha...kerak oku mambasa dino komen nu. Osian obeno tongo tulun jipun dino intulusan nu...awasi tu amu orotiyan daalo, ong orotiyan no...bo, nunu po nono kelelo kuroyon om kuroyon ko daalo, milom lugai2 ko dati ki engnibakan ot pinobo sino jipun..tuwadai bo. hehe..
kumulut ot tutok..hehe..apaam ku ino komoyoon nu oi illie. mogot ko po ika dino tu songkuro2 kokulut nga nokopaas ko i balajar dot jipun. nokoporisa oku obo balajar dot kina duo semester sid univesti nga bo tabom tiilob oku dagan nonggungan mongondom dit tongo tulisan dat kina. madko saabat nga aso tobo korotiyon dat tulisan kemamatan ku. kemoyo oku po dika dot kuroyon nupo mongondom ilo tulisan jipun dilo dot madko miabal i kematan ku at batang do jipun om kina...mimang ko buli tahan ko tu kongko kelo no momoros jipun nga monulis nga apaas ko i..
kiiiiiihi! kiiiiiihi! kiiiiiihi! kiiiiiihi! kiiiiiihi! kiiiiiihi! kiiiiiihi! Amu asi it pinonimpuunanku mamngkis diri tu subai ko inturu kah oboh iri om kembulai nogi ot gimbaran. Mogot ong ataakan tokow kikiawi dot surupu popotindooi diti boros tokow Kimaragang.
nunu mangan ku komeno siti oi.. lumisun iti suang ad tutok ku momikir om miguguli no mangarang nunu om nunu mangan ku potuliso.. rumosi oku ot asala nopo.. urang puti nga amu oku keelo.. mituturan dang basa tokow nga adesss.. kamamalu nopo yomogun.. nga kadai dikoo erarakai kie. mangan kunopo palajako.. balajar oku nogi ti.. hehe.
mangai ka mimie.. popowaro po kalas tambahan dusunkimaragang om mongodaftar oku nogi jumadi murid nu...
keehhooiii... aramai tii
LM, mangai nopo pasarabatai kah owoh, madko erus poh ino pomoros nuh dot Kimaragang dino.
Awasi iti misosombol tokow tu kopiruruang i dot boros. Ogugumui boros di Pinsan Mimie iti dot nokoruang sid pamarasanku dot Kimaragang iradko, Sumokubang, Tokodon, Oromimi, Nonggungan om waro poh diri ot wokon.
Polombuso noh tuturan nuh ki Mimie.
susah juga aku nak faham....
Selamat datang YaAbaAbdillah! Terima kasih di atas kunjungan ke blog sya:)
Mmg susah nak faham bahasa yang kami gunakan di sini (Dusun Kimaragang) jika pertama kali mendengar/membacanya tapi kalau berminat dan ingin terus mendalami, lambat laun pasti akan jadi mudah jga..buktinya, pengkaji bahasa merangkap org yg buat kamus utk bahasa etnik ini berasal dari US dan mereka blh berbahasa Kimaragang dgn sangat baik. Welcome to d world of Kimaragangs!
Saya orang Dusun dan tahu cakap Dusun...Tapi susah juga mau mengerti dusun kamu ni...kalau dari tulisan pun susah..apalagi kalau mendengar percakapan kimaragang...
paling2 pun 45% sj saya boleh tangkap maksud kamu
obuli po ati,ambat ambat po ong kukulintangan no.oponigalan po...
Post a Comment