Kopiwosion. Aku po osombungan at tuturan pogija dang boros id Kimaragang biano ki oi kinoruangan kikiawi. Soopan ku i monuturan kembagu tu milom akow tiakan ong manasarok no osompipi ot 'kuuy' nopo isurung ku diko'o..haha
Engin oku momoros pasal dot boor biano tu madko osisiukan oku mambasa dat boor di Pinsan Mogoron id 'ruangan komen' blog di LM. Awasi obo ilo koreretan om asanong ilo tuni dat boor nga kenraradit dot ginawo tu aku i orotiyan kikiawi at rineet di pinsan..hehe. Ong engin kow mongilo, iti it boor dialo. Nga mogulu po om, ilo'o po daton nunu komoyoon dot boor. Gisom dit nelaan ku, iti retan nopo boor diti nga komoyoon dot peenangan (dati obo?) atau 'bidalan' ka bo ong Malayu dati ino. Pinsan Mogoron, banar kelo rineet ku dilo?
Tumanus kirow rombituan
nopondow kirow neon Kuala Lumpur
salong okuropit sid nontodonon
kakali a'olingan id pangandaman
(Boor di Pinsan Mogoron; sinamit ku mantad: Mickey's Corner: Redup Metrokota dan Dia yang Jauh dari KL)
Nunu ka bo komoyoon dat rangkap kumotolu dilo? nunu ot okuropit? nunu tarati "semantik" do'o diti? . simbaro oku po diko'o.
Bah, amu po kopitongkiyad tokow, agalai ku po iko'o duwo boor dang komoleengan. Pelo'on oku nunu tarati diti ki.
1. Tumbalang silod tupak pakalalampason
toronongo ku nogi misumpak ot rinimpot
2. Tiondop-ondop oku, kulubung do pilason
Aku po nondop nopulu no ingison.
Selamat berkimaragang semua!
Engin oku momoros pasal dot boor biano tu madko osisiukan oku mambasa dat boor di Pinsan Mogoron id 'ruangan komen' blog di LM. Awasi obo ilo koreretan om asanong ilo tuni dat boor nga kenraradit dot ginawo tu aku i orotiyan kikiawi at rineet di pinsan..hehe. Ong engin kow mongilo, iti it boor dialo. Nga mogulu po om, ilo'o po daton nunu komoyoon dot boor. Gisom dit nelaan ku, iti retan nopo boor diti nga komoyoon dot peenangan (dati obo?) atau 'bidalan' ka bo ong Malayu dati ino. Pinsan Mogoron, banar kelo rineet ku dilo?
Tumanus kirow rombituan
nopondow kirow neon Kuala Lumpur
salong okuropit sid nontodonon
kakali a'olingan id pangandaman
(Boor di Pinsan Mogoron; sinamit ku mantad: Mickey's Corner: Redup Metrokota dan Dia yang Jauh dari KL)
Nunu ka bo komoyoon dat rangkap kumotolu dilo? nunu ot okuropit? nunu tarati "semantik" do'o diti? . simbaro oku po diko'o.
Bah, amu po kopitongkiyad tokow, agalai ku po iko'o duwo boor dang komoleengan. Pelo'on oku nunu tarati diti ki.
1. Tumbalang silod tupak pakalalampason
toronongo ku nogi misumpak ot rinimpot
2. Tiondop-ondop oku, kulubung do pilason
Aku po nondop nopulu no ingison.
Selamat berkimaragang semua!
5 comments:
Pinsan mimie, aso kinosomitanku dit boor id sulap di LM diri. Sera nabasaku it post di LM, tad nakalaga i sid pongitunganku om poogoloku noh sid di LM. Mogot ong ensasamadan poh it langad di LM kah dit ginawoku oboh iri.
Kotoluadan dikoo kikiawi tu asasanongan kow dit boor diri kabarasan.
Komoyoon nopoh 'salong' nga lampu dit kodori oboh ino. Kadung ko tumuwong noh, madsalong dino (monutud dot salong) panganawau. Kadung otutudan noh it salong, 'okuropit' nopo dino ot tuni.
Ba uma poh dino iti. Nunuunu i ot paantakan dikoo dino dit boorku diri.
iso duo tolu,
isai agayo tulu,
tulu kah di... :-)
selamat berkimaragang!
Mimie, okudik boh sumaap dot boor.
Ilot boor komolengan di Mimie, ilo noh numbur 1 ot nokosamit oku.
It nosomitanku waro saabat ot pisuwaian nga mirad i ot komoyoon boh.
Tumbalang silod tupak pokolampas-lampaso,
Ongoyoku rikoto pokorimpot-rimpoto.
Komoyoon dit boor komolengan diti; monuturan waro tongondu alanji, nga sera nosambat aso i taantu ot linanji, mad araat nogi ot bubuatan yoh, kakah.
Boor komolengan kumoduwo di Mimie aku nokosamit dino, korongowku. Awasi dati isai-isai it nokosamit potuturan dino siti.
Aso telalaan ku yoku dino boor nu dino mimie. hehe...
torima kasih diko'o kikiawi..
Pinsan Mogoron,
banar ino boros nu dino. ino no norongow ku tarati dilo boor dilo.
At boor kumoduwo nopo om mengkolilingan ku no diri nunu ot tarati. I Iyai (todu daton)pinopelo dogon dilo...oleleed no beno..aku diri osorow banar.
Post a Comment